Катонқарағай ұлттық паркі (Қазақстан), Катун биосфералық қорығы және Алтай-Саян тау серіктестігі (Ресей), "Қаратал-жапырық" қорығы (Қырғыз Республикасы) ұйымдастырған акция 2020 жылдан бастап таулы аумақтардағы қоқыс, тұрғындардың экологиялық санасын қалыптастыру және оларға ұқыпты қарау мәселесіне жұртшылықтың назарын аудару мақсатында өткізіліп келеді.
Осы ірі халықаралық акция аясында ұйымдастырушылар мен еріктілер Шығыс Қазақстан облысының, Алтай Республикасының, сондай-ақ Қырғызстанның Нарын облысының таулы табиғи аумақтарындағы қоқыстарды жинады. Катонқарағай ұлттық паркінің қызметкерлері Музтау тауының етегін, Рахман, Бұқтырма көлдерінің жағалауларын, сондай-ақ Катонқарағай ауданы ауылдарының маңын қоса алғанда, бүкіл қорғалатын аумақта акциялар ұйымдастырды. Алтайда Усть-Кокса ауданы ауылдарының маңындағы өзендер мен таулардың жағалауларын тұрмыстық қоқыстардан тазартты. Сондай-ақ, Алтай экоактивистері "Белуха" табиғи паркінің қолдауымен Кучерлин көлі танымал туристік маршруттардың бірінде автотұрақтар пен демалыс орындарын тазартты. Қырғыз экологтары "Қаратал-жапырық" қорығының және "Салқын - Тор" табиғи паркінің нысандарын, маршруттары мен соқпақтарын тазарту бойынша акцияларды ұйымдастырушы болды.
Биылғы жылы акцияға рекордтық саны - 1600-ден астам адам қатысты. Жалпы белсенділер 59 эко сенбілік ұйымдастырып, ҚТҚ полигондарына 16 тонна қоқыс жиналып апарылды. Ерекше қорғалатын табиғи аумақтардың қызметкерлері, балалар мен жастар экоклубтарының мүшелері, оқушылар, студенттер мен еріктілер белсенді қатысты. Қарапайым жергілікті тұрғындар да шетте қалмады.
Сонымен қатар, жыл бойы акция барысында ұйымдастырушылар экологиялық әдеттерді қалыптастыруға және табиғатқа жауапкершілікпен қарауға арналған тақырыптық әңгімелер, мастер-класстар, сабақтар мен ойындар өткізді.
