Табиғатпен достықтың әр түрлi жолдары бар және осы жолдардың бiрi — мемлекеттік инспекторлар өткізетін экологиялық сабақтар. Катонқарағай ұлттық паркінің 10 орманшылығының испекторлары өз аумақтарындағы білім беру мекемелерімен тығыз байланыста, табиғат қорғаудан тыс олар өскелең ұрпақтың экологиялық мәдениетін біріккен акциялар, фестивальдар және ашық сабақтар арқылы арттырады. Өскелең ұрпақты экологиялық тәрбиелеу бүгiнгi таңда басым бағыт болып табылады.
Қоршаған әлем туралы бiлiм азаматтық ұстанымды, табиғатқа деген сүйiспеншiлiктi және қабылданған шешiмдер үшiн жауапкершiлiктi және қоғам туралы дұрыс көзқарасты, салауатты өмiр салтын қалыптастыруға ықпал етедi.
