Мемлекеттік инспекторларды аттестаттау Бүгін Катонқарағай ұлттық паркінің инспекторлары кезекті аттестаттаудан өтті. Іс-шара Қазақстан Республикасы Экология және табиғи ресурстар министрінің 2024 жылғы 25 шілдедегі №173 бұйрығына сәйкес ұйымдастырылды. Аттестаттау барысында арнайы комиссия инспекторлардың кәсіби біліктілігін, табиғатты қорғау саласындағы білімін және қызметтік міндеттерді орындау сапасын жан-жақты бағалады. Мұндай тексерулер үш жылда бір рет өткізіледі, ал жаңадан қабылданған инспекторлар үшін – алты айдан кейін ұйымдастырылады. Аттестаттау инспекторлардың білімін жетілдіруге, жауапкершілігін арттыруға және кәсіби өсуіне ықпал етеді.
