Катонқарағай ұлттық паркінің мемлекеттік инспекторлары күн сайын өздеріне бекітілген аумақтарда патруль жүргізеді.
Таңғы тыныштықты бұзбай, орман ішімен жүріп өткенде олар әр ағаш пен бұтаның жағдайын мұқият бақылайды, өсімдіктер мен жануарлардың есебін жүргізеді. Табиғат ережелерін бұзған жағдайлар анықталса, дер кезінде шара қолданады, ал өрт қауіпсіздігі – олардың басты назарындағы мәселе.
Бұл – жай ғана жұмыс емес, табиғатпен етене араласқан, оны қорғауды өмірлік мақсат еткен жандардың еңбегі. Күн сайынғы осындай адал қызметтің арқасында ұлттық парктің бай табиғаты сақталып, келешек ұрпаққа аман жеткізіледі.
