Катонқарағай ұлттық паркінде экожүйені қолдау және жабайы жануарларға қолайлы жағдай жасау бағытындағы маңызды жұмыстар жалғасуда.
Бұл жолы Усть-Язовая орманшылығы инспекторларының атқарып жатқан істері туралы айтқымыз келеді. Арнайы дайындалған қоректену алаңдарына шөп, бейнек және жем салынды. Бұл ресурстар қыс мезгілінде жануарларға қажетті азық қорының азайып кетуінің орнын толтыру үшін өте маңызды. Осындай шаралар жабайы табиғаттағы жануарлар популяциясын сақтап, олардың қатал табиғи ортаға төзімділігін арттыруға мүмкіндік береді.
Инспекторлардың еңбегі — бұл тек орман жануарларына көмек қана емес, сонымен қатар Катонқарағай ұлттық паркінің қайталанбас табиғатын сақтау жолындағы маңызды үлес. Биоалуантүрлілікті қорғау және адам мен табиғаттың үйлесімді өмір сүруін қамтамасыз ету – біздің күнделікті басты міндеттеріміздің бірі.
Табиғатты қорғау мен қалпына келтіруге үлес қосып жүрген барлық азаматтарға алғысымыз шексіз. Бірлескен күш-жігер арқылы біз бұл ерекше табиғат аймағын болашақ ұрпақ үшін сақтай аламыз.
