Қазақстанның ең ірі ұлттық паркінде қылқан жапырақты ағаштарды қорғау күшейтілді
Қазақстанның ең үлкен Катонқарағай ұлттық паркінің инспекторлары жаңа жылдық мерекелер қарсаңында қылқан жапырақты жас өскіндерді қорғау шараларын күшейтті. 1 желтоқсаннан бастап, құқық қорғау органдарының қатысуымен мобильді топтар жұмыс істей бастайды. Олардың басты мақсаты — заңсыз ағаш кесудің алдын алу.
Қызықты дерек: Катонқарағай ұлттық паркі — Қазақстан, Ресей, Моңғолия және Қытайдың шекаралары түйіскен жерде орналасқан. Бұл аймақ табиғатының ерекше әсемдігімен танымал, ал оның 40%-ын қылқан және жұмсақ жапырақты ормандар құрайды, олар Оңтүстік Алтайдың нағыз қазынасы саналады.
Жаңа жылды ормандарға зиян келтірмей қарсы алайық: экологиялық баламаларды таңдап, табиғатты бірге қорғайық!
