AA+
AA+

Экологиялық білім - балабақшадан басталады

«АЙГӨЛЕК» БАЛАБАҚШАСЫНЫҢ БҮЛДІРШІНДЕРІНЕ КАТОНҚАРАҒАЙ ҰЛТТЫҚ ПАРКІНДЕ ЭКОЛОГИЯЛЫҚ САБАҚ ӨТКІЗІЛДІ
 
  Табиғатты қорғаудың маңызын ерте жастан ұғыну – болашақ ұрпақтың саналылығын қалыптастырудағы маңызды қадам. Осы мақсатта «Айгөлек» балабақшасының тәрбиеленушілері үшін ерекше іс-шара – Катонқарағай мемлекеттік ұлттық табиғи паркінде биоалуантүрлілікті сақтау тақырыбында ашық сабақ пен танымдық мастер-класс ұйымдастырылды. Бұл іс-шараны Ұлттық парктің қызметкерлері балабақша тәрбиеленушілеріне арнайы өткізді.         
   Бүлдіршіндер өткен сабақ барысында парк мамандарының жетекшілігімен парк аумағындағы жан-жануарлар мен өсімдіктер әлемімен танысты. Олар Катонқарағайдың бай флорасы мен фаунасы туралы қызықты мәліметтер алып, сирек кездесетін түрлердің маңызын түсінді.
 
      «Бұл сабақ балалар үшін тек теориялық білім беру ғана емес, сонымен бірге табиғатқа деген шынайы сүйіспеншілік пен қамқорлық сезімін оятуға бағытталған практикалық тәжірибе болды,» – дейді балабақша тәрбиешілері.
 
     Іс-шараның негізгі мақсаты – балалардың табиғатты қорғаудың аса маңыздылығын ерте жастан түсініп, оны сақтауға атсалысуға деген құштарлығын ояту. Кішкентай экологтардың жүрегіндегі табиғатқа деген жанашырлық сезімі бұл күннің ең үлкен жеңісі болды.