Орманда жұмыс істеу – табиғатпен етене байланыста жүретін, бірақ өзіне тән қауіптері бар күрделі сала. Қызметкерлердің қауіпсіздігі мен еңбекті қорғау талаптарын қатаң сақтау – олардың өмірі мен денсаулығын қорғаудың басты кепілі.
Осы мақсатта бүгін арнайы комиссия Ақсу және Усть-Язовая орманшылықтарында еңбек қауіпсіздігі және еңбекті қорғау бойынша қызметкерлердің білімін тексеруді бастады. Бұл тексеріс 3 наурыздан 12 наурызға дейін жалғасып, барлық орманшылықтарды қамтиды.
Тексеріс барысында:
- Қызметкерлердің қауіпсіздік талаптарын қаншалықты меңгергені бағаланады;
- Олардың біліктілігін арттыру бойынша ұсыныстар беріледі;
- Еңбек жағдайларын жақсарту мүмкіндіктері қарастырылады.
Қауіпсіздік талаптарын сақтау – әр қызметкердің жауапкершілігі.
