Қыс мезгілі – жабайы жануарлар үшін ең қиын кезеңдердің бірі. Қардың қалың түсуі мен азық қорының азаюы олардың тіршілігіне үлкен сынақ тудырады. Дәл осы кезде биотехникалық жұмыстардың маңызы артады.
Біздің инспекторлар қысқы мезгілде арнайы азықтандыру алаңдарын ұйымдастырып, оларға тұрақты түрде қажетті азықтарды жеткізеді. Бұл алаңдарға шөп, ағаш бұтақтары және жем-шөп салынып, жануарлардың аман қалуына жағдай жасалады. Бұл жұмыстар табиғи ресурстардың азайған кезеңінде жануарлардың қыстан аман шығуына ғана емес, олардың популяциясын сақтауға да үлкен септігін тигізеді.
Біз табиғатты қорғау мен биоалуантүрлілікті сақтау жолында еңбек етуді өзіміздің негізгі міндетіміз деп санаймыз.
